ფოტო: REUTERS
„რადიო თავისუფლება“ იმ ექიმების მონათხრობს ავრცელებს, რომლებიც კოვიდკლინიკებში მუშაობენ. აი რას ამბობენ ისინი:
კახა ჩომახიძე, რეანიმატოლოგი, ინფექციური პათოლოგიის, შიდსისა და კლინიკური იმუნოლოგიის სამედიცინო პრაქტიკული ცენტრი
24 საათი სამსახურში ვართ ყველა. ეკიპირებას რომ ჩავიცვამთ, აღარც ჭამა ახსოვს ვინმეს და აღარც – საპირფარეშო. ვუძლებთ, მაგრამ ხალხიც უნდა მოგვეხმაროს, ნიღბით იაროს, აიცრას. აცრილები რეანიმაციულში არ ხვდებიან, მხოლოდ ერთი შემთხვევა მქონდა, ისიც პაციენტი „დიაბეტიკი“ იყო და შაქარი დაუვარდა. მეორე დღესვე დატოვა რეანიმაცია.
ბოლო წელიწად-ნახევრის განმავლობაში მძიმე პაციენტი ჩვეულებრივი ამბავი გახდა, დაავადებაც გაახალგაზრდავდა. 33 წლის ბიჭი გვყავდა ამასწინათ. კი გაეწერა, მაგრამ ასეთი ახალგაზრდა მანამდე არ მყოლია.
ღამის სამ საათზე ვაჟა აზარაშვილი მოხვდა ჩვენთან, უმძიმეს მდგომარეობაში იყო. ჩემს კოლეგას მარიკა ეფრემიძეს დავურეკე, მოდი, არ მინდა ეს კაცი მარტოს ჩამაკვდეს ხელში-მეთქი. მოვიდა მარიკა. ის რომ არ ყოფილიყო, პაციენტი ვერ გადარჩებოდა.
დიდი სიხარულია, ავადმყოფი რომ გაეწერება, მაგრამ ამის შემდეგ 200-კაციან ქორწილს და ქელეხს რომ ვხედავ, ძალიან ნერვები მეშლება.
დღესაც მყავს ნაცნობები, რომლებიც ამბობენ, კოვიდი არ არსებობსო. მე ვიგონებ თურმე კოვიდს!
****
პანდემიამდე თუ კვდებოდნენ პაციენტები, ყველას სახელი, გვარი, თვალები და კარდიოგრამა მახსოვდა. ახლა ვეღარ ვიმახსოვრებ, ძალიან ბევრია.
ხშირად ცნობიერება ებინდებათ, ერთი უჟანგბადობის, მეორე კი იმის გამო, რომ თვითონ ინფექციაა ძალიან ტოქსიკური, ყველა ბარიერს გადის. უმეტესობას მსუბუქი ან საშუალო სიმძიმის დეპრესია აქვს, რომელიც დიდხანს რჩება. სუიციდის შემთხვევებიც გვქონდა.
თვეებია სახლში მხოლოდ იმიტომ მივდივარ, რომ ფორმების ახალი დასტა წამოვიღო და აქ გამოვიცვალო. ბოლო დროს სიზმარიც არ მინახავს, რადგან ღრმა ძილით აღარ მძინავს. მელანქოლიკი ვარ, მაგრამ ძალიან ოპტიმისტი ჩემი კოლეგებიც კი… სულ ვამბობ, კოვიდი დამთავრდება და ჩვენ დავრჩებით შეშლილი საზოგადოება-მეთქი. ჩვენი რეაბილიტაცია როგორ და რანაირად მოხდება, მართლა არ ვიცი.
ნახეთ აუცილებლად საკითხავი ინფორმაციები ⇓
- სრულად ვაქცინირებული ადამიანების 99.99%-ზე მეტში, ინფიცირებას გართულებები არ მოჰყოლია და არც გარდაცვალება დაფიქსირებულაც
- უკვე დამტკიცდა, როგორ მოქმედებს ვაქცინა სპერმაზე – მამაკაცებო, გიხაროდენ!
- როგორ დავიცვათ თავი ანტივაქსერებისგან?! – გიორგი ფხაკაძე ანტიპრობაგანტისტულ ჯგუფებზე
- ჩვენზე ზრუნვის პასუხისმგებლობა მოხსნილია, საკუთარი თავის და ახლობლების გადარჩენის იმედად ვართ! – ბიძინა კულუმბეგოვი
- ამაზე უკეთესი წამალი არ არსებობს – ამომწურავი პასუხები მათთვის, ვისაც აინტერესებს რა გავლენას ახდენს ვაქცინაცია ორსულობაზე
- მერე გვიანი იქნება! – კულუმბეგოვი ასახელებს შეზღუდვებს, რომელიც მისი თქმით, სასწრაფოდ ასამოქმედებელია
ასევე დაგაინტერესებთ:
- VIDEO: ძალა საერთოდ არ მაქვს, მაგრამ არ ვეგუები, მითხრეს, რომ კორონას დროს არ შეიძლება დაწოლა – სალომე გოგიაშვილი
- ყველა გზა უხანისკენ მიდის – შოკისმომგვრელი ამბები, რაც პანდემიის ხელოვნურად წარმოშობას ადასტურებს
- “დედამთილის სტატუსი შევიძინე და უკვე პირველი შეკვეთა მაქვს” – ნატო გელაშვილი რძალს გვაცნობს
- აღმოაჩინეთ ტაძარი, სადაც მამა გაბრიელის სარტყელი უშვილოებს შვილებს ჩუქნის, სნეულთ კი – კურნავს
- ჩვენ მოვწამლეთ ხალხი, კორონა არ არსებობს, არაფერი გვემუქრება… ეს უნდა შევინანოთ – დეკანოზი თეოდორე გიგნაძე
- უკვე დამტკიცდა, როგორ მოქმედებს ვაქცინა სპერმაზე – მამაკაცებო, გიხაროდენ!
