წარმოშობით ქართველი ბრიტანელი მუსიკოსი, ქეთი მელუა ბრიტანული გამოცემა Dailymail-ითვის მიცემულ ინტერვიუში პირველად საუბრობს ბებიაზე, რომელიც მისი პირველი მსმენელი იყო სამზარეულოში, აძლევდა გონივრულ რჩევებს, რომელიც დღემდე ახსოვს და ითვალისწინებს.
ქეთი მელუა: – ბებიებს დაუჯერეთ, მათ უკეთ იციან. როდესაც ჩემს ბავშვობაზე ვფიქრობ, მახსენდება ჩემი ბებია, მამის დედა, თამარა ბებო. ყოველთვის მეუბნებოდა, ისე უნდა მღეროდე, როგორც განიცდი. როდესაც მოზარდი ვიყავი, ის სამზარეულოში მისმენდა.
მისმენდა სერიოზულად და რატომღაც იცოდა, მე ეს გამომივიდოდა. შედეგი, რა თქმა უნდა, იყო ის, რომ მეც ძალიან სერიოზულად მივიჩნიე ის, რასაც ვაკეთებდი. ბებიას რჩევა მარტივი იყო: ყოველთვის გულიდან იმღერეო.
სიმღერას ახალ ალბომში “სახლისკენ მიმავალი” – Heading Home ჰქვია. ჩვენ ყოველ ზაფხულს ჩავდიოდით საქართველოში ბებიასთან და ეს სიმღერა ბებიას კვლავ ნახვის მოლოდინზეა. ის სამი წლის წინ გარდაიცვალა…
ჩვენ ყოველდღე, დღეში ორჯერ ვცურავდით შავ ზღვაში, თამარა კი ზღაპრულ კერძებს გვიმზადებდა. ეს არის ჩემი კავშირი მასთან, სიმღერა, რომელსაც ყოველთვის გულით ვმღერი.
