სადენიანი და უკაბელო ყურსასმენების დებატები უკვე საკმაოდ დიდი ხანია გრძელდება. მაგრამ, როგორც ახალბედას ამ ასპარეზზე, შეიძლება გაგიჭირდეს გადაწყვეტილების მიღება. მართლაც, სწორი ყურსასმენების არჩევა შეიძლება გამოწვევადაც ჩაითვალოს.
რა თქმა უნდა, უკაბელო ყურსასმენების გამოყენება მაცდურია. მაგრამ უკაბელო ტექნოლოგია ჩვეულებრივ უფრო ძვირია, ვიდრე სადენიანი.
სადენიანსაც და უსადენო ყურსასმენებს თავისი დადებითი და უარყოფითი მხარეები აქვს.
ტრადიციული – კაბელიანი:
სადენიანი ყურსასმენები მინიატურიული დინამიკებივით ფუნქციონირებენ. არსებობს მრავალი მიზეზი, რის გამოც ადამიანებს მაინც “ძველებური” სადენიანი ყურსასმენები ურჩევნიათ.
სადენიანი ყურსასმენის დადებითი მხარეებია:
- მაღალი ხარისხის აუდიო სისტემა
- დაბალი ფასი
- მისი შეკეთება მარტივია
- არ სჭირდება დატენა
- გამოსაყენებლად მარტივია
თუმცა, რა თქმა უნდა, კაბელიან ყურსასმენებს თავისი შეზღუდვებიც აქვს. მაგალითად,
- არ გვაძლევს თავისუფლად მოძრაობის საშუალებას
- შეიძლება კაბელი გაწყდეს
- და შესაძლოა, ყველა მოწყობილობას არ მოერგოს.
კაბელიანი ყურსასმენის ფასი 20 ლარიდან იზრდება. კაბელიანი ყურსასმენების კატალოგი არც თუ ისე ვრცელია, რადგან მათზე მოთხოვნა დღითიდღე კლებულობს. ერთ-ერთი ყველაზე ცნობილი “სონის” კაბელიანი ყურსასმენია. მისი ყიდვა ყველგან 50 ლარის ფარგლებშია შესაძლებელი.
თანამედროვე – უსადენო
ტექნოლოგიისა და კომფორტის შერწყმა თანამედროვე მწარმოებლებისთვის პრივილეგიაა. გასაკვირი არ არის, რომ ყველა ტექნოლოგია ნელ-ნელა უკაბელო ხდება. მოწყობილობები, როგორიცაა თამაშის კონტროლერები და ყურსასმენები, ახლა სრულიად უსადენოა.
უკაბელო ყურსასმენები გთავაზობთ მოძრაობის თავისუფლებას. მათთან ერთად შეგიძლიათ კომფორტულად გადაადგილდე. ზოგიერთი უკაბელო ყურსასმენით თქვენი აუდიო წყაროსგან დაშორება 30 მეტრის მანძილზეც კი შეგიძლიათ.
ვინაიდან უკაბელო ყურსასმენებს არ აქვთ დამატებითი მავთულები და კომპონენტები, ისინი უფრო პორტატიული და მსუბუქია. უკაბელო ყურსასმენების კომპაქტური დიზაინის გამო აქტიური ადამიანებისთვის ის საუკეთესო არჩევანია.
უკაბელო ყურსასმენების უმეტესობა ასევე დასაკეცია, რაც აადვილებს მათ შეფუთვას მოგზაურობისთვის ან მარტივი ყოველდღიური გადაადგილებისთვის.
უკაბელო ყურსასმენების ფასი 50 ლარიდან იზრდება. ყველაზე პოპულარული, შედარებით ბიუჯეტური არჩევანია “JBL”-ის უსადენო ყურსასმენი. უფრო მაღალი ხარისხით გამოირჩევა Marshall-ის ყურსასმენები. მისი ფასი მინიმუმ 500 ლარია.
უარყოფითი მხარეები
უსადენო ყურსასმენები ახლა უფრო დახვეწილია თუმცა, ჯერ კიდევ არის გარკვეული გასაუმჯობესებელი ასპექტები.
- საჭიროებს დატენას
- არის უფრო ძვირი
- მისი შეკეთება ძალიან რთული, თითქმის შეუძლებელიცაა
- ხშირად აუდიო წყაროსთან დაკავშირების პრობლემაც არსებობს
ასევე, რაც ზოგიერთი ადამიანისთვის ყველაზე მნიშვნელოვანია, ხშირად უსადენო ყურსასმენის პრობლემა დაბალი ხარისხის აუდიო სისტემაა. თუმცა, რაც დრო გადის, ეს ტექნოლოგია უფრო და უფრო დახვეწილი ხდება. შესაბამისად, თუ გაქვთ საკმარისი ბიუჯეტი, შეგიძლიათ შეიძინოთ უკაბელო ყურსასმენი, რომელიც ხარისხით „ტრადიციულ,“ სადენიან ყურსასმენს არაფრით ჩამოუვარდება.
და მაინც, კაბელიანი თუ უკაბელო?
ამ კითხვაზე სწორხაზოვანი პასუხი არ არსებობს. იდეალური არჩევანი მაინც მნიშვნელოვნად არის დამოკიდებული თქვენს ცხოვრების წესზე და იმ აქტივობებზე, რომლებისთვისაც სავარაუდოდ ყურსასმენებს გამოიყენებთ.
