ისტორიკოსი გუგა სამხარაძე სოციალურ ქსელში ერთი შეხედვით სახალისო ამბავზე წერს, თუმცა ამ ფაქტს მეორე მხარეც აქვს.

საქმე ეხება ანტივაქსერების საკითხს, რომლებიც ვაქცინაციას სკეპტიკურად უყურებენ.

“იდიოტს რომ აყვები, უარესი იდიოტი ხარ … ეს მე მეხება.

15 სართულიან კორპუსში ვცხოვრობ, მე -15 სართულზე. ლიფტში 10 თეთრიანი უნდა ჩააგდო. ერთი 10 თეთრიანი მქონდა. ლიფტის მოლოდინში ჩემსავით მდგარმა ერთმა ქალბატონმა აიჩემა – ჩემმა ახლობელმა აიცრა და მასში ჩადგმული ჩიპი ხურდა ფულს “იკრავსო” (ეტყობა, სადღაც წაიკითხა ეს სისულელე).

ვუთხარი – რას ბრძანებთ, ქალბატონო -მეთქი, გუშინწინ ავიცერი და აჰა – მეთქი. დავაძვრე ლიფტისთვის განსაზღვრული 10 თეთრიანი, მკლავზე მივიდე, ხელი გავუშვი და … 10 თეთრიანი გაგორდა და … ვეღარ ვიპოვე.

ახლა დავრბივარ მაღაზიებში და ვიხვეწები, 1ლარიანი ისე დამიხურდავეთ, 10 თეთრიანი ერიოს -მეთქი. აბა, ნაინსულტარი კაცისთვის, პროდუქტით სავსე ორი პარკით მე – 15 სართულზე ასვლა, როგორია?

მოგიტ..ანთ ჩიპების მითი და ჩემი ჭკუაც მოვტ..ან, თქვენ რომ გყვებით, თქვე ბნელებო. ახია ჩემზე …