მართალია, ზამთრის კურორტები პანდემიის დაკეტილია, მაგრამ ცხადია, შეგვიძლია სოფლებს, ან თუნდაც მეგობრების სოფლებს მივაშუროთ და თოვლიან გარემოში ყოფნით, გუნდაობით და ნამდვილი ზამთრის ხიბლით დავტკბეთ.
თოვლის სანახავად დიზაინერი ანუკი არეშიძე შვილებთან ერთად ერთ-ერთ მაღალმთიან სოფელს ესტუმრა. თოვლში გადაღებული ფოტოები და ვიდეოები კი მან „ინსტაგრამის“ სთორების საშუალებით გაგვიზიარა. როგორც ჩანს, ყველაზე მეტად თოვლმა პატარა ნიკოლიკო გაახარა, რომელიც სუსხიანი ამინდის მიუხედავად, საქანელაზე არხეინად ერთობოდა.
ცნობილია, რომ ანუკი არეშიძეს ძალიან უყვარს მთებში და მშვიდ გარემოში ყოფნა. ერთ-ერთ სატელევიზიო ინტერვიუში კი მან თავისი ოცნებაც გაამხილა – ანუკის სურს, რომ სამომავლოდ რაჭაში არა მხოლოდ არდადეგებზე ჩავიდეს, არამედ იქ საცხოვრებლად გადავიდეს და მყუდრო გარემოში გაატაროს ცხოვრება.
სანამ დათოვლილ სოფელს ესტუმრებოდნენ, ანუკი არეშიძე ოჯახთან ერთად გუდაურში იმყოფებოდა.
სადაც მეუღლესთან ერთად ყოველწლიურად დადის და ისვენებს.
