ქართველი მილიონერის თემურ უგულავას და მისი უმშვენიერესი მეუღლის, ნინი ნებიერიძის შესახებ დიდი ხანია სიახლეები არ გავრცელებულა.
წყვილი პრესასთან არც არასდროს თანამშრომლობდა, თუმცა მათ შესახებ ადრე უფრო აქტიურად წერდნენ. ნინი ნებიერიძე და თემურ უგულავა პერიოდულად ამერიკაში ცხოვრობენ.
როგორც ჩვენთვის გახდა ცნობილი, მილიონერის უმშვენიერესმა მოდელმა, რომელიც წარსულში მოდელი იყო, საკუთარი ძალები კინოს გადასაღებ მოედანზე მოსინჯა.
ის, მეგობარ ელენე მახარაშვილთან ერთად, ცნობილი ქართველი რეჟისორის ნანა ჯორჯაძის ფილმში მიიღებს მონაწილეობას. პანდემიის პერიოდში ნინი მთელ დროს გადასაღებ მოედანზე ატარებს და აშკარაა, რომ ეს საქმე ძალიან მოსწონს.
ფილმის ერთ-ერთი ეპიზოდის გადაღება საბერძნეთში წარიმართა, სწორედ ამ პერიოდს დაემთხვა ახალგაზრდა მოდელის დაბადების დღე, რომელიც მან მზიან სანაპიროზე აღნიშნა.
გადამღები ჯგუფი ამჯერად საქართველოში იმყოფება. როდის დასრულდება გადაღებები და რის შესახებ მოგვითხრობს ფილმი ჯერჯერობით ცნობილი არ არის.
