მართალია ახალი წელი ამჯერად ისე ხმაურიანად ვერ ავღნიშნეთ, როგორც ეს წარსულში ხდებოდა, თუმცა ყველა ადამიანი შეეცადა ამ დღესასწაულს სახლში, საზეიმო განწყობით და ლამაზი ჩაცმულობით შეხვედროდა.
“პრაიმამბებმა” ცნობილი ქალების საახალწლო ჩაცმულობას გადაავლო თვალი. დავინტერესდით რომელ დიზაინერზე შეაჩერეს მათ არჩევანი.
ნანუკა გუდავაძე
ბერა ივანიშვილის მეუღლე ნანუკა გუდავაძე ყოველთვის დახვეწილ და ქალური სილუეტის სამოსზე აკეთებს არჩევანს.
მის გარდერობში არაერთი ძვირადღირებული ბრენდის სამოსს შეხვდებით და ეს გასაკვირი არც არის, ის ხომ მილიონერის რძალია?
ნანუკამ წელს საახალწლოს არჩევანი Marchesa-ს ბრენდზე გააკეთა და ფოტო სოციალურ ქსელში გამოაქვეყნა.
ბრენდის ერთ-ერთი დამაარსებელი სკანდალური პროდუსერის ჰარვი ვაუნშტაინის ყოფილი მეუღლეა.
2018 წელს კაბა წითელ ხალიჩაზე მოირგო სკარლეტ იოჰანსონმა. Marchesa-ს ყვავილებიანი კაბა, რომელიც ნანუკა გუდავაძეს ფოტოზე აცვია, 2019 წლის შემოდგომის კოლექციიდანაა. თუმცა მისი შეძენა უკვე პრაქტიკულად შეუძლებელია. კაბის სავარაუდო ღირებულება 10 000 ლარია.
ნუნუკა თამაზაშვილი
თავდაცვის მინისტრის ირაკლი ღარიბაშვილის მეუღლე, ნუნუკა თამაზაშვილი დახვეწილ სტილს ანიჭებს უპირატესობას.
ახალი წლის დადგომამდე ცოტა ხნით ადრე, სოციალურ ქსელში თავდაცვის მინისტრის და მისი ოჯახის მისალოცი ფოტო გავრცელდა, სადაც ღარიბაშვილი-თამაზაშვილის წყვილი 4 შვილთან ერთად არის გადაღებული.
ნუნუკა თამაზაშვილს ფოტოზე “დოლჩე და გაბანას” კაბა აცვია. კაბის შეძენა 5055 ლარად არის შესაძლებელი.
ანუკი არეშიძე
ანუკი არეშიძის დახვეწილი ჩაცმულობა უცხო არავისთვის არ არის. შეიძლება ითქვას, ის ქართველი გოგონების Fashion Iqon-ია და მას უამრავი თინეიჯერი ბაძავს.
ანუკი ხშირად უზიარებს საკუთარ გამომწერებს ახალ ფოტოებს და ფაქტია, მისი ჩაცმის სტილი მრავალფეროვანია.
საახალწლოდ ანუკიმ არჩევანი კაბაზე შეაჩერა, რომელიც მისი ბრენდის მიერ არის შექმნილი და მისი ფასი 2408 ლარია.