ტელეწამყვანი ნუკი კოშკელიშვილი სოციალურ ქსელში საკმაოდ აქტიურია, განსაკუთრებით კი ინსტაგრამზე. იგი თავის გამომწერებს პირადი ცხოვრების შესახებ ინფორმაციებს და რჩევებს ხშირად უზიარებს.
ტელეწამყვანი ბენჯი ხაიმზე დაქორწინების შემდეგ დროის ნაწილს – საქართველოში, ნაწილს კი ამერიკაში ატარებს. ამჯერად ნუკი ვიდეოს ამერიკიდან ავრცელებს, სადაც ქმრის მშობლების შესახებ საუბრობს და ამბობს, რომ მათთან ერთად დროის გატარება ძალიან უყვარს.
„რა კარგია დასვენება დედამთილთან და მამამთილთან ერთად… საქართველოში ხომ არსებობს ასეთი მომენტი, რომ ცუდი ურთიერთობა უნდა გქონდეს. მე მოვდივარ აქ, არაფერს არ ვაკეთებ საერთოდ, ახლა ჩემს მამამთილს ვუთხარი, იქნებ ბუხარი დაანთო-მეთქი. ასე მოვღუნღულდებით მე და ჩემი წიგნი და ისინი ბავშვს მიხედავენ, რა კარგია“ – ამბობს ნუკი კოშკელიშვილი.
