ია ფარულავას „ფარული კონვერტის“ გუშინდელი გადაცემის სტუმარი, გრიშა ონიანი იყო.
ონიანმა, რომელსაც საზოგადოება სტალინის სიყვარულით იცნობს, გადაცემაში მისი ცხოვრების აქამდე უცნობ დეტალებზე ისაუბრა და გაიხსენა ტრაგედია, რომელსაც მისი 15 წლის შვილი შეეწირა.
„ზამთრის საძოვრებზე ვმუშაობდი, წლების განმავლობაში იქ ვიყავი და ვერ ვიცლიდი, ამ ბავშვებისთვის მედევნა. ჩვენი მეზობელი იყო, რომელსაც პირველ სართულზე ჰქონდა მაღაზია. ჩემი დათუნას ტოლი ბიჭი ჰყავდათ, ერთად იზრდებოდნენ, როგორც ჩვენს ოჯახში, ისე მაგათ ოჯახში გაყოფილი ლუკმა არ არსებობდა.
იმ ბავშვის მამა, ადრე მონადირე იყო, იარაღი ჰქონდა სახლში, ერთხელაც ამოიღეს ბავშვებმა ეს იარაღი და მოხდა ის რაც მოხდა.
სასამართლოზე ვიყავით, ერთს დიდი სასჯელი მისცეს. ბავშვს 8 წელი, მამას 4 წელიწადი. მე არ მიჩივლია. ორჯერ ავდექი სასამართლოზე და ვთქვი, ერთ-ერთი მაინც გამოუშვით, ხომ შეიძლებოდა ჩემს შვილს გავარდნოდა იარაღი, ეს ოჯახის ამოწყვეტა რა არის-მეთქი?“ – გაიხსენა ონიანმა გადაცემაში.
