დიზაინერი ანუქა ქებურია ახალ კოლექციაზე მუშაობს. როგორც ის Prime ამბებთან ამბობს, მის ახალ, ზამთრის კოლექციაში შავი ფერი დომინირებს. რაც შეეხება ახალი პროდუქციის გაყიდვას, უსაფრთხოების დაცვის მიზნით, სამოსი და ფეხსაცმელი ონლაინ ორი კვირის შემდეგ გაიყიდება.
ანუკა ქებურია: – უცხოელი ბაერებისთვის ვეღარ ვმუშაობთ. კოვიდსიტუაციიდან გამომდინარე, მოდის კვირეულის ჩატარების თემა ბუნდოვანია. სერიოზული პრობლემებია ტრანსპორტირება-განბაჟებასთან დაკავშირებითაც. ფოსტასაც დროული მიწოდების პრობლემა აქვს.
ამიტომ ადგილობრივი ბაზრისთვის ვამზადებ ზამთრის კოლექციას, რომელსაც ონლაინ გავყიდი, ყველა წესის დაცვით.
ახალ კოლექციაშია – ტყავის ჩექმა, პიჯაკი და პალტო. მუქი ფერები დომინირებს, თუმცა ყავისფერისა და თამბაქოსფერის მოყვარულები, კოლექციაში თავის საყვარელ ფერს იპოვიან.
