მასტერის და ნათია დუმბაძის დუეტი წარმატებული ქართული კოლაბორაციაა. ახალგაზრდა მომღერლების თანამშრომლობის იდეა ერთ-ერთ წვეულებაზე შედგა და შეიძლება ითქვას, უკვე “მილიონრებიც” გახდნენ. მათ დუეტებს Yotube-ზე 5 მილიონზე მეტი ნახვა.
როგორ დაიწყო მათი თანამშრომლობა, ამის შესახებ „პრაიმ ამბებს“ ნათია დუმბაძემ და მასტერმა თავად უამბეს.
– სად გაიცანით ერთმანეთი და როგორ შედგა თქვენი დუეტი?
ნათია: ერთმანეთს ვიცნობდით ოღონდ შორიდან. მისი შემოქმედების ფანი ვიყავი და ერთ-ერთი რადიოს წვეულებაზე გავიცანით კიდეც ერთმანეთი.
მასტერი: რადიო „ფორტუნა პლიუსის“ წვეულებაზე მუსიკალური სიახლეები გავაცანით ერთმანეთს. მაქედან გაჩნდა დუეტის ჩაწერის იდეა. მალე გავაკეთე ახალი ტრეკი, ნათიას გადავუგზავნე და ასე შეიქმნა პირველი ჰიტიც.
– მასტერ, შენ არაერთ მომღერალთან გაქვს ჩაწერილი დუეტი, თუმცა ნათიასთან ჩაწერილი დუეტები ყველაზე წარმატებული აღმოჩნდა, რამ განაპირობა ეს?
ნათია: ირაკლი ფირცხალავასთანაც წარმატებული დუეტი ჰქონდა. გიომ ეს სიმღერა როცა მომასმენინა, უცებ დაწერა ტექსტი და მანქანაში როცა მოვუსმინე მისამღერს გავგიჟდი. მივხვდით ეს იქნებოდა ჰიტი, მაგრამ ასეთი ამბავი თუ მოყვებოდა არ გვეგონა. ორ კვირაში ჩავწერეთ, შემდეგ კლიპიც გადავიღეთ და პრემიერაც შედგა.
მასტერი: ყველა მუსიკა უნიკალურია, თავისი ჟღერადობა აქვს. ეს რატომ გაჰიტდა ვერ გეტყვით. კარგი პარტნიორები აღმოვჩნდით. მნიშვნელოვანია მუსიკალურად როგორ უგებთ ერთმანეთს ადამიანები.
ამ კონკრეტულ სიმღერაში ნათია დუმბაძის გარდა ვერავის ვერ ვხედავ ვისაც მოუხდებოდა. როგორც სამოსი ისე მოირგო ეს სიმღერა. მას შემდეგ ორი დუეტი ჩავწერეთ, ისეთი ნიშა უჭირავს რომელიც შეუცვლელია. გოგოც პოზიტიურია, წარმატებასთან ასოცირდება, თილისმა გოგოა და ესეც მოქმედებს. ახლა უკვე საუკეთესო მეგობრები და მესაიდუმლეები ვართ.
– რა საიდუმლოებებს ანდობთ ერთმანეთს?
ნათია: ჩემი ისეთი საიდუმლოებები იცის გიომ რაც არ იცის ჩემმა დაქალებმა. გიორგისგან დიდი პოზიტივი მოდის ყოველთვის, როგორც სიმღერებში, ასევე ჩემთან მიმართებაში. ჩვენი თავისებურებების შერწყმა კარგად მოხდა.
მასტერი: კონცერტებიც გვქონდა ერთად და გვიხარია.
ნათია: ბათუმში გვქონდა სოლო კონცერტები და ორივე მაგარი გამოვიდა. სცენაზეც, მეგობრობაშიც და ცხოვრებაშიც ერთად ვართ.
– მასტერ, შენს კლიპებს ყოველთვის თავად იღებ, სხვას არ ენდობი თუ რატომ?
– ყველა სიმღერის სცენარს ხომ მე ვადგენ? ამიტომ მირჩევნია რეჟისორიც მე ვიყო. როცა ვწერ, ვხედავ რა მოუხდება, დიდად არავის ვანდობ რეჟისურას, ჩემს ჯგუფთან ერთად განვიხილავ, მაგრამ ვფიქრობ რადგან ტექსტის ავტორი მე ვარ, ჩემს სათქმელს კადრებითაც მმე უკეთესად გადმოვცემ.
– ნათიასთან ერთად ჩაწერილი, სამივე სიმღერა ერთ გოგოს დაუწერე?
– ყველა სიმღერას მუზა არ ყავს.
ნათია: მეგობრული მუზა იყო და ეს მე ვიყავი.
– ფინანსური კუთხით, რა მოგიტანათ ერთობლივმა დუეტებმა?
ნათია: ფინანსური კუთხით ჩემთვის ძალიან წარმატებული აღმოჩნდა.
მასტერი: რა თქმა უნდა ჩემი პოპულარობაც გაიზარდა, ჰონორარი იგივე დავტოვე, უბრალოდ დაემთხვა მაგ წელს, როდესაც ნათიასთან პირველი დუეტი ჩავწერე, ბენდი ავიყვანე და გაიზარდა კონცერტების რაოდენობაც. წელსაც კი შარშანდელ სიმღერას მთხოვდნენ პრომოუტერები და მეკიტხებოდნენ, ნათია ხომ იმღერებსო? წინ გადადგმული ნაბიჯი იყო ჩვენი დუეტი და წლის ეროვნული ჰიტი ჩავწერეთ.
ჩემი მთავარი მოტვაცია ფინანსები არ არის. 16 წელია ამ სფეროში ვარ და ბოლო 4 წელია, რაც ფინანსები მაქვს ჩემი საქმით. ჩემს კოლეგებს ხშირად ვეუბნები საქმეს უნდა მოუარო, გაზარდო და პატივი სცე შენს მსმენელს.
– გადაღებებზე თუ ჩხუბობდით?
ნათია: მე ვწუწუნებ, ვჩხუბობ და ეს მაწყნარებს.
მასტერი: პირველ კლიპზე უფრო წუწუნებდა, ვიდრე მეორეზე. როცა ადამიანისთვის ახალია კამერასთან მუშაობა, უფრო იმაზე ნერვიულობ როგორ გამოჩნდები. თუმცა ერთხელ სერიოზული კამათიც მოგვივიდა. სიმღერის „ნეკინეკისა“ კლიპის პრეზენტაციაზე, როცა მივედი, ნათია ირინა ონაშვილთან ერთად იჯდა და ვერ დავინახე, მან კი იფიქრა, არ მივესალმე და გაბრაზდა. სცენიდან ვეხვეწებოდი შერიგებას.
– როგორ იყოფთ ჰონორარს?
– გაყოფა არ გვიწევს. ჩემი მენეჯერი აწარმოებს მოლაპარაკებებს.
ნათია: გააჩნია ვისი კონცერტია, თუ მასტერის კონცერტია და მე მე ვარ სპეციალური სტუმარი, მასტერი უფრო მეტს იღებს და პირიქით.
– თქვენი ჰონორარი რამდენია?
მასტერი: ბენდთან ერთად კონცერტებზე 5000 ლარს ვიღებ, კორპორატიულ წვეულებებზე კი ინდივიდუალური მოლაპარაკებები მიმდინარეობს. რეპერი ვარ და მერწმუნეთ ეს თანხა ცოტა არ არის.
ნათია: მე სხვადასხვა ბენდებთან ვმღერი და კონკრეტულ თანხას ვერ დავასახელებ.
– მამა ადრე მეხმარებოდა, ახლა ფინანსურად ერთმანეთისგან დამოუკიდებელი ადამიანები ვართ. სიმღერის გარდა, სარესტორნო და მანქანების ბიზნესშიც ვარ.
როცა ადამიანს საკუთარი საქმე უყვარს, აუცილებლად გამონახავს ფინანსებს მის გასაკეთებლად. ყველას შეუძლია არ წავიდეს პარიზში და გადაიღოს კლიპი.
ნათია: მეც ბევრ რამეზე ვთქვი უარი კლიპის გამო. მაგალითად დაქალებთან ერთად არ ვიარე სხვადასხვა კურორტებზე დასასვენებლად და დაზოგილი თანხით კლიპი გადავიღე.
