მართალია ბოლო დროს ქვეყანაში მკვეთრად დაიძაბა, მაგრამ ქართველებს არც ამერიკაში მიმდინარე პროცესები გვრჩება უყურადღებოდ.
ამერიკაში რამდენიმე დღის წინ ჩატარებულ საპრეზიდენტო არჩევნებში, ჯო ბაიდენის გამარჯვებამ უამრავი ქართველი გაახარა. აღმოჩნდა, რომ ამერიკის ახლადარჩეულ პრეზიდენტთან ფოტო ბევრ ადამიანს აქვს გადაღებული და მათ თავიანთი კმაყოფილება ამერიკის ამომრჩეველის მიმართ სწორედ ბაიდენთან ერთად გადაღებული ფოტოებით გამოხატეს.
ჯო ბაიდენთან გადაღებული ფოტო სოციალურ ქსელში გამოაქვეყნა, მომღერალმა სოფო ნიჟარაძემ, რასაც უდიდესი გამოხმაურება მოჰყვა.
სოფო რომელიც უკვე რამდენიმე თვეა ამერიკაში ცხოვრობს, სოციალურ ქსელში აქტიურობით არ გამოირჩევა, შესაბამისად მის მეგობრებს და გამომწერებს მომღერლის ნებისმიერი აქტივობა ახარებთ და მის მიმართ დადებით კომპლიმენტებსაც არ იშურებენ.
ბაიდენის და ნიჟარაძის ფოტოს ჰეიტერებიც გამოუჩნდნენ.
“მიშიკოს გაპიარებული მომღერალი, რამდენი ფული გადაუხადა მსოფლიოს ვარსკვლავებს შენს გვერდით რომ ემღერათ მაშინ” – დაწერა ერთ-ერთმა ჰეიტერმა. რასაც სოფოს მეგობრების აღშფოთება მოჰყვა.
სოფომ მეგობრებს აუხსნა, რომ მას “ტროლები” უტევენ.
სოფო ნიჟარაძე: ტროლების შემოსევაა, დაიკიდე. არ ველოდი ამერიკის პრეზიდენტთან ფოტო თუ ასეთ აჟიოტაჟს გამოიწვევდა. ასეთების მოკლე ჭკუით, მასაც ფული გადაუხადეს, ხელი რომ ჩამოერთვა.
მოგვიანებით, სოფოს კომენტარებში მისი კომენტარის სქრინი დაუდეს, სადაც ერთ-ერთ ჰეიტერს რუსულად აგინებს.
შეგახსენებთ, სოფო ნიჟარაძე ამერიკაში თებერვალში გაემგზავრა დედასთან ერთად. მომღერალი იქ პატარა გოგონას ელის მარიას დედა გახდა. რომლის ფოტოსაც ჯერჯერობით არ ასაჯაროვებს.
