უკვე წლებია ნინი შერმადინი ნიუ-იორკში ცხოვრობს. მუშაობს ბანკში და პარალელურად მუსიკალურ სტუდიებთან თანამშრომლობს, უსაყვარლეს პროფესიას არ ღალატობს.
ნინის ერთადერთი ქალიშვილი, მარიამ ციცაგი ბებიასთან და ბაბუასთან იზრდებოდა, თბილისში.
როგორც იცით, გასული წელი, ძალზედ მძიმე აღმოჩნდა მომღერლისთვის. გაზაფხულზე, მძიმე სენთან მებრძოლი მამა დაკარგა, წლის ბოლოს კი – კოვიდმა ნინის დედა იმსხვერპლა. ნინი “ფეისბუქზე” ხშირად წერს ემოციურ პოსტებს მშობლებზე…
რამდენიმე საათის წინ კი მომღერალმა, ამერიკის ერთ-ერთი აეროპორტიდან, შვილთან ერთად გადაღებული ფოტო გამოაქვეყნა – “საბოლოოდ ჩემი გოგო ამერიკაშია”.
ნინიმ ოცნება აისრულა და შვილი უკვე მასთან ჰყავს. პირველი, რაც ამერიკის მიწაზე ჩასულმა მარიამმა დედას სთხოვა, მანჰეტენის დათვალირება იყო.
“არ ვარ დაღლილი, მანჰეტენი მაჩვენეო” – სოციალურ ქსელში წერს ბედნიერი ნინი და ახლობლებს თავის სიხარულს უზიარებს.
