ჯგუფ “სეიშენის” ლიდერი, ლევან წვერავა დღეს ვაჟის მამა გახდა. მომღერალი ათი წელი ელოდა შვილს. 24 თებერვლის დილას კი ნანატრი ნოე მოვლინა ქვეყნიერებას.
ლევანი თავის სიხარულს “პრაიმამბების” მკითხველს უზიარებს.
ლევან წვერავა: – ათი წელი ველოდით შვილს. და აი, ცხრა თვეს აღარ დაელოდა და რვა თვის ნოე ბიჭი დაიბადა.
კარგად არიან ბავშვიც და დედაც. ჯერ ვერ ვაცნობიერებ ამ ყველაფერს. მადლობა უფალს ყველაფრისთვის.
პანდემიის დროს ორსულობა იოლი არ არის. განსაკუთრებულად ვუფრთხილდებოდით თავს. მუსიკას ვასმენინებდი და უნდა გითხრათ, რომ განსაკუთრებული რეაქცია ჰქონდა ჩემს ხმაზე, მუცლიდან მეხმაურებოდა.
ლევანმა ცოტა ხნის წინ მეუღლესთან, ნინი კენჭიაშვილთან ერთად დუეტიც შექმნა სახელად “ლეონი”.
