გიორგი სუხიტაშვილს (და არა მხოლოდ) ფეისბუქმომხმარებელი, ნინო ქინქლაძე ჯიღიტაშვილი მედროვეობაში დებს ბრალს.
მომღერალი ქალბატონის სქრინს აქვეყნებს.
გიორგი სქრინს თავის სტატუსს ურთავს.
“აი ესაა ახლა ნორმალური?! ქართული ოცნების წევრებო და მხარდამჭერებო, ვინც მყავხართ ფრენდებში, თქვენ იცით, რომ ურთიერთობაში არასოდეს არ ვუყურებ, ვინ ვისი მომხრეა და ვინ სად მუშაობს.
პირიქით, ვცდილობ ეგ უაზრობა გავაქრო, (არც ნაცი ვარ, არც ქოცი და თუ ვიქნები არც დავმალავ). თქვენი აზრი მაინტერესებს, იზიარებთ აი, ამ მარაზმს? თუ კი, რატომ, ხოლო თუ არა, ამოიღეთ ხმა, ოღონდ თქვენი ხმა, როგორც მოქალაქის და არა, როგორც რაღაცა ლოგოს ქვეშ!
ჩვენ ამ ქვეყნისთვის იმაზე მეტს ვაკეთებთ (ჩვენი შესაძლებლობების ფარგლებში), ვიდრე სხვა ძალიან ბევრი თანამდებობის პირი და ასე უნდა გვლანძღოთ? კარგი, დიდი მადლობა” – წერს სუხიტაშვილი ფეისბუქზე.
გიორგის პოსტს მარინა ბერიძე აკომენტარებს:
“სუხიტ, აბა რა გეგონა. ჩემთან მეგობრობას შეგარჩენდნენ??? კარგი რა. ავად არიან. თავისი გასჭირვებიათ.”
ბერიძის კომენტარს გიორგი ასე პასუხობს:
“აწი “ჩემო მაიმუნოთი” მომმართე.”