“ფორმულა კრეატივის” პროდიუსერს, ირაკლი საღინაძეს კოვიდი დაუდასტურდა. ეს მან ჩვენთან საუბარში დაადასტურა და აღნიშნა, რომ მათ ჯგუფში კოვიდი მძღოლმა “მიიტანა” და დღეის მონაცემებით, ოთხ ადამიანს გადასდო, ძირითადად, მძღოლებს.
ირაკლი საღინაძე: – სიმპტომებიდან მეექვსე დღეა. ცოტა ყელი მტკივა, ორი დღე სიცხე მქონდა. ნორმალურად ვარ. ყნოსვა არ დამიკარგავს. სიგარეტს ვეღარ ვეწევი და თითქოს გემოები პირიქით გამიმძაფრდა.
სამი დღეა გადაღება გაჩერებული გვაქვს. მთლიანი გადამღები ჯგუფი მორიგი ტესტის გაკეთებას ელოდება. ორჯერ გაკეთდა, ხვალ მესამე ტესტირება ჩაუტარდება ჯგუფს. თუ კიდევ არავის არ დაუდასტურდება, გადაღებას გავაგრძელებთ, თუ არადა, ათ დღიან კარანტინს გამოვაცხადებთ. ამ შემთხვევაში, სერიალი, სავარაუდოდ, ორი კვირა ვერ გავა ეთერში.
