დღეს დილით გორის ჰოსპიტალში, მომღერალი, ანსამბლ “ივერიის” წევრი – თემურ წიკლაური გარდაიცვალა. რამდენიმე კვირაა არტისტი კოვიდ-19-ზე მკურნალობის კურსს გადიოდა. მომღერალი რეანიმაციულ განყოფილებაში ხელოვნური მართვით სუნთქვის აპარატზე იყო მიერთებული.

კოლეგები სცენის არწივს ემშვიდობებიან. გიორგი სუხიტაშვილი წერს.

“სამწუხაროდ ჩვენი არწივი გაფრინდა.
დიდი მადლობა შენ ყველა ნოტისთვის, ყველა როლისთვის, ფიროსმანისთვის მართალი სიმღერისთვის, მართალი სიტყვებისთვის, შენეული განცდებისთვის რომელიც გადმოგვეცი და რომელიც დაგვიტოვე.
შენი ნამღერი “მინდვრებო, ჩამოქარგულო” ჩემი ბავშვობის ბედნიერება და სავიზტო ბარათი იყო. საუკეთესო თბილი კოლეგა და საუკეთესო რესპონდენტი…
მოგვენატრები!
სამწუხაროა, რომ ის გეგეგმები რომელზეც ვისაუბრეთ ვერ მოვისმიმე (დამპირდა რომ მაჩვენებდა მის საოპერო სიმღერებს რაშიც მეცადინეობდა) ….
მშვიდობით, არწივო…” – წერს გიორგი “ფეისბუქზე”.

თემურ წიკლაური 1967–1972 წლებში იყო ანსამბლ „ციცინათელას“ წევრი, 1972 წლიდან ანსამბლ „ივერიას“ სოლისტი. მისი რეპერტუარი მოიცავს ქართველ კომპოზიტორთა სიმღერებს, მათ შორის: ნოდარ გიგაურის „ჩემი თბილისი და ფიროსმანი“, გიორგი ცაბაძის „საქართველოს მანანებო“, ალექსანდრე ბასილაიას „იყიდება საქართველო“, ვაჟა აზარაშვილის „დინამო“, ალექსანდრე ბასილაიას მიუზიკლები: არწივი (1980, „ჩხიკვთა ქორწილი“), მეფე აიეტი (1983, „არგონავტები“), გერვასი (1986, „თოვლის ბებოს ზღაპარი“), ნიკო ფიროსმანი (1995, „ფიროსმანი“).
2014 წლის 23 იანვარს გაიხსნა თეიმურაზ წიკლაურის ვარსკვლავი თბილისის დიდი საკონცერტო დარბაზის წინ.

თემურ წიკლაური 22 იანვარს 75 წლის გახდა…