“კომედი შოუს” მსახიობს ლაშა გაბუნიას თურქეთში სასწრაფო ოპერაცია ჩაუტარდა. გაბუნია საქართველოში უკვე დაბრუნდა და სამსახურშიც გავიდა.
რატომ დასჭირდა ქართველ ტელესახეს თურქეთში მკურნალობა ამის შესახებ გაბუნიამ “პრაიმამბებს” უამბო.
– მეორე ოპერაცია გავიკეთე ხერხემალზე, პირველად საქართველოში გამიკეთეს მალებზე ოპერაცია, თუმცა მოგვიანებით ისევ საოპერაციო გავხდი და რადგან სხვადასხვა ვერსიებს მეუბნებოდნენ, თურქეთში გავემგზავრე საოპერაციოდ. თიაქარი მქონდა ოთხ მალაზე და ერთი ოპერაცია ჯერ კიდევ წინ მაქვს.
– როგორ დაგეწყოთ ხერხემლის პრობლემები და რამ გამოიწვია?
– ეს დაავადება არ მაწუხებდა, უცებ იჩინა თავი. ფეხბურთს ვთამაშობდი და მაშინ ამტკივდა პირველად. სასწრაფოდ ჩამიტარდა ოპერაცია. ბოლო ერთ წელიწადში ყველაფერი დამემართა, კორონაც კი მქონდა.
– გახვედით უკვე სამსახურში?
– როგორც წყალი მოდის ქუთაისში ისე დავდივარ ჯერ სამსახურში, ანუ გრაფიკით.
– დიდ ხარჯებთან არის დაკავშირებული თურქეთში მკურნალობა, დაგეხმარნენ ფინანსურად?
– კი დამეხმარა ჩემი სამსახურიც და სხვებიც.
