დასრულდა ყველაზე ცხელი ზაფხული და მოულოდნელად ამინდებიც ცოტა ხნით შეიცვალა. მართალია, ჯერ მხოლოდ სექტემბერია, თუმცა ნამდვილად ვერ განვსაზღვავთ წელს თბილი შემოდგომა იქნება თუ ცივი. ამის მიუხედავად, ერთი რამ, რაც ყველამ ვიცით არის ის, რომ შემოდგომა მაინც ლამაზი იქნება, განსაკუთრებით კი თბილისში, სადაც საზაფხულო განწყობა ერთგვარად მელანქოლიამ შეცვალა. ახლა საუკეთესო დროა თავისუფალ დროს ქალაქში ფეხით, ველოსიპედით ან სკეიტით სეირნობისთვის, რადგან ძალიან არ ცხელა, ამინდები კი მალე შეიცვლება და აცივებამდე კარგი იქნება თუ ამ შესაძლებლობას გამოვიყენებთ.
თბილისში ყველა უბანი თავისებური და განსხვავებულია, ამიტომ სანახავიც საკმაოდ ბევრია. ყველაფერთან ერთად, თუ ფოტოების გადაღება გიყვართ, მაშინ ეს სწორედ ის პერიოდია, როდესაც უნდა მოიმარჯვოთ თქვენი ტელეფონები, ამოქოქოთ ველოსიპედები, აიღოთ პლედი, მონახოთ თანამზრახველი და ხელახლა აღმოაჩინოთ თბილისი, შიგადაშიგ კი პლედი გაშალოთ და ზოგადსაკაცობრიო თემებზე ისაუბროთ, თან თუ ცხელი ჩაი გექნებათ, ჩათვალეთ დღე საუკეთესოდ გაატარეთ.
მიუხედავად იმისა, რომ ტურისტული სეზონი აღარ ეთქმის ამ პერიოდს, მაინც საინტერესოა ეს ქალაქი დამთვალიერებლისთვის. თუ უცხოელი მეგობარი დაინტერესებულია აქ ჩამოსვლით და ზაფხულში ვერ გამოუვიდა, შეგიძლიათ ანუგეშოთ და შემოდგომაზეც თამამად დაპატიჟოთ. აუცილებლად დაათვალიერებინეთ ძველი თბილისი, მთაწმინდა, ხოლო თუ გინდათ მასზე შტაბეჭდილება მოახდინოს ქალაქმა, მაშინ ბინა ვაკეში უნდა მოძებნოს, რადგან საღამოს ეს ადგილი ნამდვილად საუცხოოდ გამოიყურება.
სექტემბერში საზოგადოებრივი ტრანსპორტი აღდგა, ამიტომ გადაადგილება საკმაოდ გაიოლდა. თუ აქამდე სახლიდან მუშაობდით, ზამთარში კი ოფისში გასვლა ნამდვილად არ გსიამოვნებთ, შემოდგომა ნამდვილად ის პერიოდია, როდესაც ოფისში მისვლა საუკეთესო ამბად ჩაგეთვლებათ. ყველაფერთან ერთად, აუცილებელია დროდადრო თანამშრომლებისა თუ კოლეგების ნახვა, განსაკუთრებით სასიამოვნო კი იმ ახალი თანამშრომლების გაცნობაა ახლიდან, ვისთანაც მხოლოდ სოციალურ ქსელებსა თუ გუგლ მითში გქონდათ კომუნიკაცია. ასევე, ოფისში სიარული აუცილებლად დადებითად აისახება თქვენს ჯანმრთელობასა და ხასიათზეც, გამომდინარე იქიდან, რომ შემოდგომაზე, ტემპერატურის კლებასთან ერთად, ადამიანებში მატულობს დეპრესიული ნიშნები, ამასთან გასამკლავლებლად საუკეთესო გზა ადამიანებთან ერთად დროის გატარებაა, დროდადრო კი საკუთარ თავსაც დაუთმობთ დროს.
თბილისში ღამე დასარჩენად უამრავი ადგილია, გააჩნია თქვენს განწყობასა და დამოკიდებულებას. შეიძლება ქირით გსურდეთ გადასვლა, ან მხოლოდ ერთი-ორი დღით სხვაგან ცოვრება, დასარჩენს აუცილებლად იპოვით. შეგიძლიათ ერთ-ერთ კარგ ალტერნატივად ბინები ვაკეში განიხილოთ, რადგან ეს ადგილი ნამდვილად გადააჭარბებს თქვენს მოლოდინებს, სადაც საღამოობით ან სულაც დღის ნებისმიერ მონაკვეთში, მაშინ, როდესაც დღე კლებას დაიწყებს, ტემპერატურა კი ნელ-ნელა დაეცემა, პლედს მოაგდებთ, მწვანე ჩაის მოიმზადებთ და საყვარელ წიგნში ჩაიძირებით. შეიძლება საყვარელი სერიალიც იყოს, რა თქმა უნდა.
თბილისში პანდემიის გამო ღამის ცხოვრება გარკვეულწილად შეფერხებულია, თუმცა აქ საინტერესო ამბავს ყოველთვის წააწყდებით. შემოდგომაზე ერთ-ერთი საუკეთესო რამ, რაც შეგიძლიათ გააკეთოთ, ღამით გასეირნებაა, როდესაც შეძლებთ სხვადასხვა სახის გამოფენებსაც ესტუმროთ და დრო საკმაოდ შემოქმედებითად გაატაროთ.
(R)
