დღეს დილით “მთავარმა არხმა” გაავრცელა ინფორმაცია იმის თაობაზე, რომლის თანახმად “ქართული ოცნების” დეპუტატის ირაკლი ზარქუას და, დიზაინერი ნინი ზარქუა, კომენდანტის საათის დროს მეგობრებთან ერთად რესტორან “დაინინგ რუმში” იმყოფებოდა.
ტელეკომპანიის ცნობით, სტუმრები რესტორნის სათადარიგო გასასვლელიდან მას შემდეგ გააპარეს, როდესაც ადგილზე გადამღები ჯგუფი მივიდა.
პოსტს გამოეხმაურა დეპუტატის და, რომელმაც ტელეკომპანია დეზინფორმაციის გავრცელებაში დაადანაშაულა.
“მინდა გამოვეხმაურო მთავარი არხის ასეთ “მნიშვნელოვან” რეპორტაჟს. მინდა გითხრათ, რომ მართლაც ვიმყოფებოდი ჩემს მეგობრებთან ერთად ჩემი მეგობრის უგემრიელეს რესტორანში Dining room- ში და ნამდვილად ავღნიშნეთ 8 მარტი, როგორც ვიდეოებში ჩანს ნაყოფიერადაც)) 9 საათზე ყველანი ვიყავით სახლებში, ( მინდა გითხრათ რომ ყველა ვცხოვრობთ ძალიან ახლოს ამ რესტორანთან) რაც შეეხება ინსტაგრამ სთორებს რამაც თქვენ ძალიან აღგაშფოთათ, გადაღებულია 9 საათამდე დადებულია 9 საათის შემდეგ))….
ასევე მინდა გითხრათ რომ არასდროს არ გამომიყენებია ჩემი ძმის სტატუსი რამენაირი ფორმით რამენაირ საქმეში , პირიქით იმასაც გეტყვით რომ ძალიან ბევრმა არც იცის ჩემი ძმა თუ არის ბ. ირაკლი ზარქუა , თქვენი წყალობით ბევრიც გაიგებს)) მადლობა ყურადღებისათვის და ბოდიში რომ ტყუილად გაიყინეთ 8 მარტს Dining room -ის კარებთან… პ.ს ალბათ ყველაფრის პოლიტიკაში გარევა არ მოსულა ?!” – წერს ზარქუა.
