როგორც იცით, ქართველი ჩოგბურთელის ნიკოლოზ ბასილაშვილის ყოფილმა ცოლმა ნეკა დოროყაშვილმა ლაქშერი ჰუდების საკუთარი ბრენდი შექმნა, რომლის შესახებ დეტალურად გადაცემაში “იმედის დღე” ისაუბრა.
დოროყაშვილმა გადაცემაში სტუმრობისას თქვა, რომ დიდი ხანი სურდა დიზაინერობა, უბრალოდ ამისთვის დრო არ ჰქონდა, პანდემიის დროს კი, მისი როგორც მოდელის კარიერა შეფერხდა და ამიტომ დიზაინერობა დაიწყო.
ნეკა დოროყაშვილს დაგეგმილი აქვს მისი ბრენდის ექსპორტზე გატანა. ის თანამშრომლობს მუმბაისთან, ნიუ-იორკთან და ტოკიოსთან.
გადაცემის წამყვანი ეკა ამირეჯიბი შეეცადა, ახლა უკვე დიზაინერი დოროყაშვილისგან ნიკოლოზ ბასილაშვილთან ოჯახურ სკანდალზეც მიეღო ინფორმაცია, მაგრამ დოროყაშვილმა არცერთ შეკითხვას არ უპასუხა.
ყოფილმა მოდელმა მხოლოდ იმ კითხვას უპასუხა, რჩება თუ არა ჩოგბურთის გულშემატკივარი და უყურებს თუ არა ნიკოლოზ ბასილაშვილის თამაშებს.
