ყველაზე წარმატებული ქართველი ჩოგბურთელი, ნიკოლოზ ბასილაშვილი 23 თებერვალს 29 წლის გახდა. მსოფლიოს 40-ე ჩოგანის რჩეული გერმანელი სპორტსმენი შარლოტა ელენა გახლავთ, რომელიც „ინსტაგრამზე“ ნიკას დაბადების დღეს ულოცავს და წერს, რომ ნიკოლოზი ისეთი განსაკუთრებული ადამიანია, ერთი დღე არაა საკმარისი მისი დაბადების დღის აღსანიშნად.
გერმანელმა გოგონამ ქართული საზოგადოების ყურადღება რამდენიმე თვის წინ მიიპყრო. ის ნიკასთან ერთად საქართველოსაც ხშირად სტუმრობს და სოციალურ ქსელებში აქ გადაღებულ ფოტოებსაც აქვეყნებს ხოლმე.
გარდა ამისა, სხვადასხვა ტურნირებზე ბასილაშვილთან ერთად დადის და მისი მთავარი გულშემატკივარია. შარლოტა თავადაც ჩოგბურთელია.
შარლოტა ნიკოლოზის გვერდით იყო ჩოგბურთელისთვის ყველაზე მნიშვნელოვან მომენტშიც, როდესაც ის ცოლის ჩვენების საფუძველზე დააკავეს და სასამართლომ 100 ათას ლარიანი გირაოს სანაცვლოდ გაათავისუფლა.
