“ჩემი ცოლის დაქალებმა” სტარტი აიღო. გადაღებები ამ კვირაში დაიწყო. მსახიობები საინტერესო სეზონს გვპირდებიან. სერიალს მაყურებელი მარტში იხილავს.
დღეს “პრეზიდენტის” სერიების გადაღებების დღე იყო. სულიკო დარდიანიძეს ჩვეულ ამპლუაში ვიხილავთ, სუფრასთან მომლხენსა და ნაილას კომპანიაში. თუმცა, როგორც მისი როლის შემსრულებელმა, კახა გოგიძემ ჩვენთან თქვა, სერიალში ბევრი რამ თვისობრივად შეიცვალა…
კახა გოგიძე: – სულიკო არა, მუშაობა მომენატრა. სულიკო რა მოსანატრებელია? მე არ მიყვარს უსაქმური ხალხი, თორემ ისე, რატომაც არა. როგორც ადამიანი, კარგია, მაგრამ როგორც პრეზიდენტი, ჩემს მტერს.
ამხელა პაუზის შემდეგ ცოტა გამიჭირდა. სანამ ტემპს აკრეფ, ხომ იცით. ფსიქოლოგიური ბარიერი იყო. ფსიქოთეატრაპევტი არ დაგვჭირვებია, მაგრამ ცოტა გადავეჩვიეთ. დაწყება გაჭირდა. ხომ იცით, პირველი ბლინი ცუდი გამოდის ხოლმე, ასე იყო… მე ჩემს თავზე ვამბობ, ძლივს ამოვქოქე.
სულიკო თავის ამპლუაშია, გვერდით ნაილათი. საინტერესო სერიებია. თვისობრივად ბევრი რამ შეიცვალა. საკითხებთან მიდგომები და სტილი იგივე აქვს, მაგრამ რაღაცები შეიცვალა. ჩვენ ხომ ფეხდაფეხ მოგვდეს ჩვენი ცხოვრება. მოვლენებს ვასწრებთ, შეიძლება ითქვას, წინასწარმეტყველური სერილია.
