მუსიკოსი ირაკლი ჩარკვიანი დღეს 59 წლის გახდებოდა. მუსიკოსი 2006 წლის 24 თებერვალს მოულოდნელად გარდაიცვალა, თუმცა ქართულ მუსიკალურ სამყაროს და მსმენელს უკვდავი შემოქმედება დაუტოვა.

ირაკლი ჩარკვიანის 59 წლის იუბილესთან დაკავშირებით სოციალურ ქსელში ემოციური პოსტი გამოაქვეყნა მისმა მეუღლემ, ასევე მუსიკოსმა ქეთათო ჩარკვიანმა.

“დღეს 59 წლის გახდებოდი. ძალიან მიყვარს შენი დაბადების დღე, ყოველი 19 ნოემბერი განსაკუთრებული დღეა ჩემთვის. მიმძიმს ამ დღის უშენოდ აღნიშვნა და ყოველთვის ერთი და იგივე დილემის წინაშე ვდგავარ – ჯერ საფლავზე გავიდე, თუ მემორიალთან?! რადგან სადღაც სხვაგან, გარეთ წარმოუდგენელია შენი მოძებნა, რადგან ყოველთვის იყავი და ხარ იქ, სადაც ყველაზე მეტად მჭირდები და თუნდაც შენი ხმის ერთი გაგონება, ერთი ფრაზაც კი საკმარისია იმისთვის, რომ განუსაზღვრელი სითბო და სიყვარული გასცე, მანუგეშო, აბსურდულ ქაოსში რწმენა გამიმყარო და მომცე ძალა.