მომღერალი ქეთა თოფურია წლებია რუსეთში ცხოვრობს და იქაური შოუ-ბიზნესის ყველაზე კაშკაშა ვარსკვლავია.
ის ჯგუფ “ა-სტუდიოს” სოლისტია. ქეთა რუსეთში გამგზავრებამდე საქართველოშიც პოპულარული მომღერალი იყო.
მას ქართველები ხშირად აკრიტიკებენ რუსეთში საქმიანობის გამო, თუმცა ქეთას საკუთარი სამშობლო განსაკუთრებულად უყვარს და მოქალაქეობის დათმობაც კი არ უფიქრია.
“ორმაგი მოქალაქეობა მაქვს. რატომ უნდა ვთქვა უარი საქართველოს მოქალეობაზე? ძალიან მიყვარს, ჩემთვის პირველ ადგილზე იქნება, იმიტომ რომ ჩემი სამშობლოა.
მე რუსეთში უფრო დაფასებული ვარ, მეტს გამოვიმუშავებ და იმიტომ ვცხოვრობ აქ.
ყველა ადამიანს უნდა წინ წავიდეს, მე ჩემს ქვეყანაში სამწუხაროდ ამის საშუალება არ მომეცა, თორემ სიამოვნებით ვიცხოვრებდი საქართველოში” – განაცხადა მომღერალმა ჩვენთან საუბარში.
ქეთამ წყნეთში სახლიც აიშენა და ოჯახთან ერთად ხშირად ჩამოდის საქართველოში.
ის ახლა მეორე შვილის მოლოდინშია. მომღერალი და დიპლომატი ლევ დენგოვი ბიჭს ელოდებიან.