ალბათ, ხშირად გაგიგიათ ტერმინი „დატა ცენტრი“. Google-დან დაწყებული Facebook-ით დამთავრებული, თითქმის ყველა ტექნოლოგიურ კომპანიას სჭირდება მონაცემთა ბაზები. თამამად შეიძლება ითქვამს, რომ მის გარეშე ფუნქციონირება შეუძლებელია. მაშ, რა არის დატა ცენტრი და რატომ არის ასეთი მნიშვნელოვანი?
რა არის დატა ცენტრი?
დატა ცენტრი არის სასერვერო ინფრასტრუქტურა, რომელშიც შენახულია უზარმაზარი მონაცემთა ბაზები. სხვა სიტყვებით რომ ვთქვათ, თუ თქვენ გაქვთ ანგარიში რომელიმე ვებსაიტზე, ან იყენებთ ინტერნეტს რამის მოსაძებნად, თქვენ უკვე იკავებთ ადგილს მსოფლიოს რომელიღაც კუთხეში მდებარე მონაცემთა ცენტრში.
დატა ცენტრი აღჭურვილია შემდეგი სისტემებისგან:
- ხანძარსაწინაარმდეგო სისტემები
- კონდიცირების და სტრუქტურული საკაბელო სისტემები
- სატელეკომუნიკაციო დამიწების სისტემა
- მონიტორინგის ცენტრალიზებული სისტემა და ა.შ.
იმისთვის, რომ თავიდან ავირიდოთ IT სისტემების გამართულობის რისკები, აუცილებელია, რომ მონაცემთა ცენტრში დაცული იყოს სპეციალური წესები და პირობები.
რისგან შედგება დატა ცენტრი?
- სერვერები
- მონაცემთა შენახვის აპარატურა
- დამაკავშირებელი ინფრასტრუქტურა
- სარეზერვო კოპირებისა და არქივაციის სისტემა
- მონაცემთა შენახვის მართვის პროგრამული უზრუნველყოფა და ა.შ.
რატომ არის მონაცემთა ბაზები და მათი შენახვა მნიშვნელოვანი?
იქნება ეს ელ.ფოსტის გაგზავნა, ონლაინ შოპინგი, ვიდეო თამაშების თამაში თუ უბრალოდ სოციალური მედიის სქროლვა, თქვენ მიერ ონლაინ შენახული თითოეული ლინკი ინახება მონაცემთა ცენტრში.
საშუალო და მსხვილი კომპანიებისთვის ღრუბლოვანი მონაცემთა ბაზები სულ უფრო პოპულარული ხდება. ეს იმიტომ, რომ ბევრად უსაფრთხოა, ვიდრე ტრადიციული მეთოდი.
დატა ცენტრი არის ის, რაც ჩვენს ციფრულ სამყაროს აცოცხლებს. ამიტომ, შემდეგ ჯერზე, როცა გაიგებთ, რომ თქვენთან ახლოს ახალი მონაცემთა ცენტრი შენდება, ეს ნიშნავს, რომ ჩვენი სამყარო კიდევ უფრო დაკავშირებული ხდება.