შოპინგი ადამიანების ცხოვრების განუყოფელი ნაწილია, იმისდა მიუხედავად ახალი სამოსი უკვე გვაქვს თუ არა. ეს ერთგვარი განტვირთვაა, რაც საკმაოდ დადებითად მოქმედებს როგორც ფსიქოლოგიურ მდგომარეობაზე, ასევე ჩაცმულობაზეც. ცხოვრების ნებისმიერ ეტაპზე ყველა ჩვენგანს უნდა გემოვნებიანად გამოიყურებოდეს, შესაბამისად აუცილებელია ყოველთვის შესაბამისი ყურადღება დავუთმოთ ჩაცმას. მიუხედავად იმისა, რომ დღეს უამრავი ალტერნატივაა, შოპინგი საუკეთესოა მაშინ, როდესაც სასურველ ტანისამოსს დაბალ ფასში მივაგნებთ, აქედან გამომდინარე შეიძლება უამრავი დრო დავუთმოთ საყვარელი ბრენდის ვებ გვერდს რაიმე ახალი ფასდაკლების მოლოდინში. ამის საპირისპიროდ, უამრავი ადამიანი უშუალოდ მკერავთან ამჯობინებს ვიზიტს, თუმცა ნამდვილი შოპინგი ხომ სხვადასხვა მაღაზიაში გასეირნება, სხვადასხვა სამოსიდან მისაღებ ფასად საუკეთესოს არჩევაა. დემოკრატიულ ფასად შოპინგისთვის უკანასკნელ წლებში საზღვარგარეთ განსაკუთრებით პოპულარულობით სხვადასხვა ბრენდის აუთლეტ მაღაზიები სარგებლობს, რაც საქართველოშიც თანდათან უფრო მეტად იქცევს ყურადღებას და უკვე საკმაოდ საინტერესოცაა ადგილობრივი მოსახლეობისთვის.
რა არის აუთლეტი?
აუთლეტ მაღაზია ბრენდებისთვის ნიშური მაღაზიაა, სადაც შეხვდებით წინა წლის კოლექციას საბაზრო ფასზე ბევრად ნაკლებ ფასად. ამის მიზეზი, როგორც წესი, გახლავთ ის ფაქტი, რომ ბრენდები როდესაც ზედმეტი ოდენობით უშვებენ პროდუქტს, მათ სრულად გაყიდვას სეზონის დახურვამდე ვერ ასწრებენ, ამიტომ მათ აუთლეტ მაღაზიებში გზავნიან, სადაც მათი შეძენა საკმაოდ დაბალ ფასადაა შესაძლებელი. გასათვალისწინებელია, რომ ზოგიერთ პროდუქტს შეიძლება ჰქონდეს უმნიშვნელო გარეგნული წუნი, თუმცა ეს სულაც არ ნიშნავს, რომ უხარისხოა, პირიქით, შეიძლება თვალით შეუმჩნეველიც კი იყოს დეფექტი. აუთლეტ მაღაზიაში, როგორც წესი, პროდუქტი შეზღუდული რაოდენობითაა, ამიტომ შოპინგისას გაითვალისწინეთ, რომ შეიძლება კონკრეტული პროდუქტის ყიდვას თუ გადადებთ, შეიძლება მეორედ მისვლისას აღარც კი დაგხვდეთ, შესაბამისად უმჯობესი იქნება მის შეძენას მომავლისთვის თუ არ გადადებთ.
აუთლეტ მაღაზიები საქართველოში
საქართველოში ბოლო დროს უფრო მეტად იმატებს ინტერესი ასეთი ტიპის მაღაზიების მიმართ, შესაბამისად, უფრო და უფრო მეტი ბრენდის აუთლეტ მაღაზია იხსნება. საერთაშორისო ბრენდების კლასიკური ტიპის მაღაზიების არსებობა თავისთავად განაპირობებს აუთლეტ მაღაზიების საჭიროებასაც, რომელიც შეიძლება იყოს როგორც კონკრეტული ერთი ბრენდის ცალკე არსებული მაღაზია, ასევე დიდ მოლში განთავსებული, სადაც სხვადასხვა ბრენდებსაც აქვთ მაღაზიები, თუმცა კიდევ ერთი საინტერესო ადგილიც არის – Tbilisi Outlet Village, სადაც მოწყობილია სხვადასხვა ცნობილი თუ ადგილობრივი ბრენდის მაღაზიის „სოფელი“, რომელიც მომხმარებელს საშუალებას აძლევს უამრავი მაღაზიის არსებობით მეტი არჩევანის თავისუფლება მიანიჭოს და შოპინგიც უფრო მრავალფეროვანი გახადოს.
თბილისი აუთლეტ სოფელი
„თბილისის აუთლეტ სოფელი“ მსოფლიოში საკმაოდ პოპულარული კონცეფციაა, რომელიც ერთ სივრცეში აერთიანოს უამრავი სახის საერთაშორისო თუ ადგილობრივი ბრენდების მაღაზიებს, რაც გულისხმობს უფრო მეტი კომფორტის საშუალებას ნებისმიერი ტიპის მომხმარებლისთვის. Outlet store Tbilisi 2020 წლის 9 ნოემბერს თბილისში გაიხსნა და ყველაზე დიდი სივრცეა ევროპისა და აზიის გზაგასაყარზე აუთლეტ სოფლის კონცეფციით. ამ ეტაპზე მისი მიზანია პირველი 3 წლის მანძილზე 7 მილიონი ადამიანი დააინტერესოს ამ იდეით, უბოძოს მათ შოპინგის ახალი გამოცდილება და მოიპოვოს აღმოსავლეთ ევროპის საუკეთესო აუთლეტის ტიტულის დამსახურება. აღნიშნული საქმიანობა მნიშვნელოვნად დაეხმარება ქართულ ბრენდებს ცნობადობის მომატებაში, ქართველ მომხმარებელს კი შეუქმნის შოპინგისთვის ახალ ჰორიზონტს. აქ შეხვდებით ისეთ ცნობილ ბრენდებს როგორიცაა Armani, Chanel, Gucci, Nike, Adidas, Puma, New Balance, Kappa, Levi’s, Diesel, Lee Wrangler, Calvin Klein Jeans, Mavi და მრავალი სხვა.
(R)
