შარლიზ ტერონის წითელ ხალიჩაზე ყოველი გამოჩენა უფრო და უფრო აღაფრთოვანებს საზოგადოებას. მას აქვს უზადო ფიგურა და მუდმივად ბრწყინვალე ფორმაში სახის კანი.

როგორ ახერხებს მსახიობი მუდმივად მომხიბვლელ ფორმაში იყოს, ამას სტატიიდან შეიტყობთ.

კვება და ფიტნესი

შარლიზ ტერონი ძალისმიერი ვარჯიშების წინააღმდეგია, ამიტომ მხოლოდ პილატესით არის დაკავებული. ვარჯიშის ეს სახეობა მას მხოლოდ ფიზიკური ფორმის შენარჩუნებაში არ ეხმარება, როგორც თავად ამბობს, ის ხელს უწყობს მის შინაგან სიმშვიდეს. ამას გარდა მას უყვარს ფეხით სეირნობა. დასვენების დღეებში ის, შვილებთან ერთად ბევრს სეირნობს სუფთა ჰაერზე.

როცა საქმე კვებას ეხება, ის მხოლოდ ჯანმრთელი, სასარგებლო პროდუქტებით იკვებება. მის რაციონში დიდი რაოდენობით შედის ხილი, ბოსტნეული, პარკოსნები, მარცვლები და ნატურალური ზეთები.

მან დიდი ხნის წინ, უარი თქვა ალკოჰოლზე, რადგან ის ვნებს როგორც ადამიანის შინაგან ორგანოებს, ასევე გარეგნულ იერს. შარლიზ ტერონი დღის მანძილზე 2-3 ლიტრ სუფთა წყალს სვამს.

ბიუთი-რუტინა

შარლიზ ტერონი განსაკუთრებულად ზრუნავს სახის კანზე. მისთვის პირველ ადგილზე დგას, მზისგან დამცავი კრემების მოხმარება. ბევრი თვლის, რომ მზისგან დამცავი კრემის გამოყენება მხოლოდ მზიან ამინდში არის რეკომენდირებული, თუმცა ულტრაიისფერი სხივები ჩვენს კანზე ცუდ გავლენას ნებისმიერ დროს ახდენს, ამიტომ აუცილებელია კრემის გამოყენება.

მას ასევე არ ავიწყდება სახის კანის დატენიანებაზე ზრუნვა, რადგან გამომშრალი კანი, ნაადრევად ბერდება და ნაოჭდება. მზისგან დამცავი და დამატენიანებელი კრემების გარდა, შარლიზ ტერონი იკეთებს სახის ნიღბებს და ასევე არ ავიწყდება შრატის გამოყენება.

დილის საათებში მას, საკუთარ კანზე ზრუნვისთვის დიდი დრო არ აქვს, რადგან შვილებს თავად უმზადებს საუზმეს და მიჰყავს სკოლაში. მაგრამ საღამოს სახის კანის სათანადო მოვლის გარეშე არ იძინებს.

ის ასევე კვირაში სამჯერ სტუმრობს კოსმეტოლოგს და სხვადასხვა პროცედურებს იტარებს, რაც მის დაბერებას ხელს უშლის და უზადოდ გამოიყურება.