ჯგუფ “ქუჩის ბიჭების” წევრი – პაატა ხაჩიძე კოვიდინფიცირებულია. მომღერალი უკვე ვირუსის დამარცხების ეტაპზეა. როგორც ის ჩვენთან საუბარში ამბობს, ამჟამად რუსთავის კოვიდსასტუმროშია და მალე გაწერასაც ელოდება.

მაშ ასე, პაატა ხაჩიძე თავისი კოვიდისტორიით.

პაატა ხაჩიძე: – ბორჯომში და ბათუმში ვიყავი. მეგობარი, ვისთანაც შეხება მქონდა, უსიმპტომო იყო, როგორც ჩანს და მისგან დავინფიცირდი. თბილისში ჩამოვედი თუ არა, ტესტი გავიკეთე.

სუნის და გემოს შეგრძნება დავკარგე და ამით დამეწყო კორონავირუსი. ოთხი დღის შემდეგ დაბალი სიცხეები მომცა. ყნოსვა ექვსი დღის შემდეგ აღმიდგა.

ოჯახის წევრებთან არც მიკონტაქტია. ისინი თვითიზოლაციაში არიან. არც ერთს არ აქვს სიმპტომი.

ყველამ თავი უნდა დავიცვათ. ეგებ უსიმტომოდ გვაქვს ვირუსი და სხვას რომ არ გადავდოთ, დავიცვათ ექიმების მოცემული ყველა რეკომენდაცია. პირბადე და დისტანცია – უპირველესად. ყველა წესს ვიცავდი, მაგრამ მაინც დავინფიცირდი.

ახლა კარგად ვარ. ხვალ სასტუმროდან გამწერენ.