მსახიობ გოგოლა კალანდაძის მეუღლის, ირაკლი ფერაძის პროფესიისა და საქმიანობის შესახებ, სელებრითი ცოლისგან განსხვავებით, ბევრი არაფერი დაწერილა. ირაკლი გოგოლას მეორე ქმარია და მასთან მსახიობს სამი შვილი ჰყავს – დათუკა, ანამარია და დარია. მსახიობის უფროსი ქალიშვილი, ელენე ზურაბიშვილი კი 21 წლის გახლავთ…
სულ ახლახან ირაკლი გადაცემის – “ყველაფერი ღვინოზე ანა გოდაბრელიძესთან ერთად” სტუმარი გახლდათ, სადაც მან თავის საქმიანობაზე ისაუბრა.
მეღვინეობას ოცი წლის შემდეგ, 2008 წელს მიბრუნებია. როგორც ამბობს, არასდროს ეგონა, რომ ეს საქმე ისევ შეუყვარდებოდა.
ირაკლი ფერაძე: – პირველი ღვინო ჩემს აგარაკზე, არმაზში დავაყენე. მეგობრებს სულ ვაკრიტიკებდი, რა თქვენი საქმეა ღვინის დაყენება, წადით, იყიდეთ და მაღალი ხარისხის ღვინო მოიხმარეთ-მეთქი. მაგრამ ღვინოს დაყენება ქართველებს გენში გვაქვს. ის ჩვენს ბუნებაში ერთ-ერთი კომპლექსური სითხეა.
არ ვეთანხმები – დააყენე, წამოწექი და მერე ოდესღაც მიდი, მოხადე და ამოიღე. ღვინოს მუდმივი ჩართულობა სჭირდება, სათანადო ხარისხის მისაღებად, 24 საათიან შრომას ითხოვს.
როგორც მშობელი ვერ გამოარჩევს შვილს, ისე ვერ გეტყვით, რომელი ჯიშის ღვინო უფრო მიყვარს საკუთარი ღვინოებიდან. შეიძლება დღეს ერთი ჯობდეს მეორეს, უფრო მეტი პრიორიტეტი ჰქონდეს, მეორე წელს – სხვას. ეს ბუნებრივად ხდება.
მე დღეს სიღრმისეული ცოდნა მაკავშირებს მეღვინეობასთან. არის წიგნები, რომელსაც პერიოდულად ვუბრუნდები ხოლმე.
ეს არის ჩემი ოჯახის ბიზნესი და ძალიან მსიამოვნებს, რომ ამაში მე მარტო არ ვარ ჩართული. მშობლები, ძმა, ძმისშვილები, შვილები, ყველანი ჩართულები არიან მასში და ამაშია ბედნიერება…
